Lynnwood Gemeente

Lynnwood Gemeente

Kontak van 16 September 2016 - ‘n Nalatenskap

Ek het twee weke gelede die voorreg gehad om my eerste ikoon tydens ‘n retreat te verf. Terwyl ek die Saterdagoggend met my ikoon mooi toegedraai op die sitplek lanks my huistoe ry, dink ek aan die aanbieder se woorde, “‘n Ikoon is vir altyd. Dit is 'n erfstuk.” En ek besef dat dit wat hier lanks my lê deel is mý nalatenskap.

‘n Paar dae later luister ek na ‘n radioprogram oor testamente en wat alles in ag geneem moet word wanneer daar oor jou nalatenskap gedink word.

Ek vermoed meeste van ons dink aan eiendom, beleggings en miskien kunswerke wanneer ons die woord ‘nalatenskap’ hoor. In die huidige ekonomiese omstandighede is dit vir baie sleg om te dink dat hulle byna niks vir hulle nageslag kan los nie.

Tog is ons nalatenskap soveel ryker en dieper as dit wat in rame en rekeninge is. Lê ons nalatenskap nie baie meer in wie ons is en hoe ons in hierdie wêreld leef nie? Soos die jare verbygaan, besef ek al hoe meer die rykdom van my grootouers se nalatenskap in my lewe. By my oupa het ek gesien wat dit is om ‘n pad saam God te stap. My ouma se nalatenskap is die waarde van harde werk en hoe om met waagmoed die lewe volheid te leef, om maar net ‘n paar erfstukke te noem.

Will Allen Dromgoole verwoord so mooi wat nalatenskap is in sy gedig ‘The Bridge Builder’:

An old man going a lone highway

Came at the evening cold and gray,

To a chasm, vast and wide and steep,

With waters rolling cold and deep,

The old man crossed in twilight dim,

That sullen stream had no fears for him;

But he turned when he was safe on the other side

And built a bridge to span the tide.

“Old man “, said a fellow pilgrim near,

“You are wasting your strength with building here.

Your journey will end with the ending day

You never again will pass this way.

You’ve crossed the chasm, deep and wide,

Why build you this bridge at eventide?”

The builder lifted his old gray head,

“Good friend, in the path I have come,” he said,

There followed after me today

A youth whose feet must pass this way,

The chasm that was as naught to me

To that fair – haired youth may a pitfall be;

He, too, must cross in twilight dim –

Good friend, I am building this bridge for him.”

Neem ‘n tydjie om oor jou eie nalatenskap te dink. Watter brûe het jy al vir die mense rondom jou gebou? Wat sou jy nog vir jou kinders en kleinkinders wil agterlaat. Hoe, en nie aan wat, wil jy onthou word?

Liefde
Fay
(namens die predikantespan)

Views: 88

Tags: Predikante

Voeg Kommentaar By

Jy moet 'n lid wees van Lynnwood Gemeente om kommentaar te lewer!

© 2020   Created by NGL Admin.   Powered by

Promosies  |  Report an Issue  |  Terms of Service